Makunat magpanguya
Masakit pa sa sikmura
Ni hindi mahawakan
Ayaw magpahawak ng
Butol-butol mong balat
Titigil
ang lurok na tag-ulan
Dadalang
ang mga gamu-gamo
Matutuyo
ang pana-panahong saya
Babalik sa lungga
na parang walang nangyari
Lumanit na ang tabang,
lason, at kunat sa'yong balat
Walang maglalakas-loob na
Isali ka sa sirko o anumang perya
Malinaw na hindi ka sirenang
Inaasahan ng ganda at palakpak
Isa kang palaka
na walang nagmamay-ari
Abala ka sa pagtawid-tawid
sa nakamamatay na kalye
Isang maling lukso at mapipisat ka
sa malamig na aspalto
Hindi ang kislap siyudad
Kundi ang mga gamu-gamo
Dugo mo na lang ang may init
kung di pa man kumukulo
No comments:
Post a Comment