Dahil kaibigan ko ang gabi
Hindi maririndi sa kanyang kuliglig
Dahil kaibigan ko ang gabi
Hindi tatanghud lang sa mga tala
Dahil hindi na iba sa'kin ang gabi
Kukonsulta pati sa mga planeta
Kahit pa nga harangan ng ulap
Ang kumot ng mga kumikislap
Ay di na iba sa'kin ang karimlan
Dahil kaibigan ko nga ang gabi
Ang walang kibo'y di mapagwikaan
Panatag lang sa pananahimik
Kibit-balikat rin sa mga kaluskos
Hinihintay ang lumuwas na hikab
Akap-akap ang tiyan ng pag-iisa
Mamaluktot sa ginaw ang bagot
Hanggang umuwi ang kaibigan
Nang wala man lang ni ho, ni ha
Dahil matalik na nga ang gabi
No comments:
Post a Comment