Boundary

Mga oras na rush hour

Sa utak mo lahat ng isipin:

Karerahan,

Una-unahan

Naghahabulan sa pagkahabang

Kalsadang panay luntian

Ang kulay ng traffic lights

Walang piho kung aabot

Patibangga sa hahara-hara

Bumubusina kahit sa simbahan

Hanggang pagdating sa dulo

Naiwan mo pala yung mga pasahero

Ririndihin ng silbato

Titiketan

Pahaharuruting muli

Na tila walang red light

Kahit dumaan sa butas ng iskinita

Makapasada lang ulit

Kahit sa sunod na anim na buwan

May maitawid man lang sana

#