buong akala'y tinakasan na ng inip
baka walang babalik pero palinga-linga,
isang libong mukha ng buwan na buryo't buraot
pailing-iling sa pagtanggi: "mamatay nang nag-aantay"
kahit inuupos ng kawalang ingay ng malalayong yabag
magmumurang walang lutong, ikukumpisal sa hangin
ang mga nasa, abuhin nawa ng lumalagitik nang alab
at nagmamadaling nahapak ang tigang na sanga
parikit sa kung anong isinugba, gatong sa liyab
masamang biro na pahahabain ang gabi
uunanin ang init at ikukumot ng inip
#
No comments:
Post a Comment