hindi rin maiingli ni iibo man lang
samantalang napagod ang mga pahaging
binagyo ngunit di matinag-tinag
kahit pa nakikita'y hahayaang manigas,
malusaw, umasngaw, mamuo, mabitak,
hangga't may ipapalit ng anyong materyal:
madurog, umasbok, malubsak, kumanas,
ano ba naman ang dalawang araw o linggo
isang iglap lang para sa mga di karaniwan
pero dekada ng tag-gutom sa naghihintay
ikinabuburo ng mga buryo't alak na ring lalasing
sabay na ang awit, taghoy, sayaw at tahimik na tula
sumangguni na sa mga dambana't diwata
ang hirap palang mag-abang sa mga babaylan
kung hindi pa uungol ang mga bulkan
papayapain ka rin lang ng maigsing
kamusta
x
sumangguni na sa mga dambana't diwata
ang hirap palang mag-abang sa mga babaylan
kung hindi pa uungol ang mga bulkan
papayapain ka rin lang ng maigsing
kamusta
x
No comments:
Post a Comment