Tuesday, July 14, 2015

Umuulan ng Libro - Dream Date


Bahagi pa rin ito ng blog tour para sa National Children's Book Day sa July 21. Pero month-long ang selebrasyon. At sa ikalawang bahagi ng blog tour ang tanong ng may pakana: "Sinong manunulat/illustrator ng panitikang pambata/pangkabataan ang gusto mong makasama isang araw/gabi?"

Si Bob Ong.
The End.



Wala naman kasing sinabing "at bakit". Pero kahit na, gusto ko pa ring mag-explain. Gusto kong maka-date si BO sa isang candle dinner. May lechong kawali. Mang Tomas. Crab and corn soup. Cupcake. At kape. Mangangarap ka rin lang e, damihan ko na ang foods. Magkukwentuhan kami ng paborito niyang mga libro, mga paborito ko ring libro, paborito niyang ulam, paborito ko ring ulam, mga gusto niya pang isulat, mga pangarap kong isulat. Haaaaayssss... hart... hart...
Kung mas makatotohanan ang sagot, ang mga sumusunod ang gusto kong makapanayam sa kanila mismong bahay: (Almusal, hapunan, merienda, anytime ako na ang mag-aadjust. 'Wag lang Linggo)
1. Lola Grace Chong
Napaka-prolific ni Lola. At hindi lang quantity of works, quality din ang usapan. Pagkwekwentuhan namin kung paano siya nagbabalangkas ng kwento at paano siya nagsusulat. Magkukwentuhan din kami ng mga ispiritwal na bagay, ano ba ang panulat kung titingnan mula sa ispiritwal na lente.
2. Robert Magnuson
Hindi ko pa ito nami-meet evah! Gusto ko lang makilala. Isa pa lang na katha niya ang nakita ko. Yung Poso Maximo. At napangiti ako ng silent komiks na 'yon. Hihingi rin ako ng tips sa pagdodrowing. (Paneees ka!)
3. (Ate/Nay) Bebang Siy
Aba! Mahusay 'to! Nabasa ko na ang Marne Marino. Narinig ang nakakainspire na the-making-of-Dada-Isda Story. Tatlong beses na yata sa ibat-ibang events pero di ako nanawa. Gusto ko rin palang mabasa ang archives niya ng Gospy. Gusto ko lang ding dalawin si Kuya Poy at si Dagat. Whoooosh!
Yan lang naman ang gusto kong maka-date. Abangan ang finale ng blog tour tungkol naman ito sa Wish List. Paalam hanggang sa muli mga mambabasa (kung meron man)!
Post a Comment