Username:
Password:
buffering…
“Si Alunzinas ay isang mandirigmang tangan
ay dalawang abanico na nagsisilbi niyang sandata laban sa mga minotaurs,
dragons, trolls at iba pang cyber-halimaw. Tunay na hindi matatawaran ang
kanyang kariktan at karunungan sa pag-gamit ng magic skills.”
Ito ay isa lang sa marami kong katauhan sa
mga online games na nalaro ko. Ika nga, maraming katauhan ang bumuo sa ating
karakter . Maimpluwensya, makapangyarihan, at katauhang ninanais, at ang mga
RPG (Role Playing Games) ang nagbibigay daan upang ma-i-customize natin ang
ating piniling karakter na hindi maaari sa realidad ng malupit na mundo. Mundo
na hindi rin nalalayo sa’ting ginagalawan; binubuo ng mga mabubuting NPC’s, mga
halimaw ng lipunan at mga bayaning nagsasalba sa mundo mula sa mga halimaw na
muli tulad sa game na pauli-ulit na nagsusulputan. Respawn lang ng respawn. Ang
pinagkaiba lang, ang mga mundo ng RPG ay umiikot sa cyberspace.
“Sa Ruins doon niya nakilala si PxNam, isa ring babaeng mandirigmang
bihasa sa pana at palaso. Inin-vite niya ito sa party. Accepted.”
Kahit ano pang kasarian, edad, o laman ng
inventory mo, Wapakelz! Dahil sa RPG; mas mahalaga ang kung anuman ang kaya
mong gawin at itulong sa bawat isa. Walang hassle sa pakikipag-kapwa dahil sa
isang add-as-friend lang; agad ay mag-a-accept. Paminsan-minsan may mga
maaangas. PVP na lang o at sinong unang madapa -Nov!( Novice ha at hindi
November) Normal na pangyayari na nakahahanap tayo ng katapat, minsan ng mas
malakas pa at nakakatikim ng mga pagkatalo. Ngunit sa bawat pagkakadapa, pwede
namang mag-resu at sa bawat bangon kaakibat nito ang mag-pa-lvl pa tungo sa
pagka-imba. Konting exp. pa at makakakaresbak ka din.
“Nagluluksuhan ang isang tropa ng mga goblins.
Kairita! Nais niya sana itong i-lure at i-mob, kaso baka mauna siyang ma-deadz
kesa sa mga ito. Nangailangan siya ng buffs.”
Sinasabi ng maraming naghuhusay-husayang
mga sosyolohiko, na ang paglaro ng kompyuter ay nagdudulot ng anti-social
tendencies. Tingnan at halughugin muna ang settings. Ang buffs ay pagpapakita ng pagtulong sa mga
nahihirapan, nag-uumpisa o mga nais pa lang
umangat, kumbaga sa Ethics, sense of altruism. Dahil isang katotohanang di
natin maipagkakailang darating ang panahon na mangagailangan tayo ng tulong.
Napakaraming kabataan mula gradeschool, hayskul,
at maging sa kolehiyo ang nahuhumaling sa paglalaro ng RPG. Pa-lvl
hanggang pag-pawisan ang pwet. Hunt lang
kahit naninigas na ang mga daliri. Dungeon lang hanggang maluha-luha na ang
mata. Wapakelz, Bakit? Malamang mas exciting pa ang RPG kesa sa mga teachers
nila na madalas pa ang exp. event kesa sa pagsulpot ng mga ito sa klase. Hindi
ko talaga sigurado. Pero siguro dahil binibigyan sila ng pagkakataong maging
malakas kahit sa mundo na malayo sa Math at English.
Hindi ko alam sa kanila, kasi ako simple
lang, gusto ko lang takasan ang nkakangarag na realidad ng mundo at ang mga
totoong mga monsters na lumalamon hindi ng mga elves, kundi ng mga pangarap.
Pero kahit anunmang gawin nating pagtakas, babalik at babalik tayo sa realidad
oras na marinig natin ang “ PC 5 time ka na! Extend ka pa?”
Para sa mga online…
Pati na rin sa mga nag-offline na…
Anong quest niyo ngayon?
No comments:
Post a Comment