Privilege Speech nga Raw

                Isa nga raw na pribilehiyo ang pagdadala,  pagtuturo, pagapapalaganap ng Salita ng Diyos sa madalang dabarkads.

                Kaya nga ito ang laging sentro ng bawat pagtitipon: ma pa-cellgroup, fellowship, Sunday school, o worship service, kasi nga ito ang pagkain ang pagkain at tubig sa ating buhay kristyano. Kailangan natin ito sa ating growth, maturity, and fruiting. Amen ba ron?

                Ito ang pribilehiyong may dulot na pangamba, takot, pag-aalinlangan, at kung anu-anu pang nega na mga birtud para sa aming mga newbies; marahil dahil sa bigat ng responsibilidad, kaselanan, at kasagraduhan ng Salita ng Diyos. Uulitin ko SALITA NG DIYOS. Ambigat no brad? Yari ka pag mali ang interpretasyon mo. Pero kung tutuusin wala naman talagang toong perpekto’t deserving, It’s God who calls, He also equips.  Kung tinawag kang ipahayag, go lang, Siya na ang bahalang mangusap sa mga tao.

                So anung ininga-ngal-ngal ko ngayon sa blogpost ko nato? Nahilingan kasi ako na mag-share ng SALITA (heavy) sa Friday Fellowship sa Kubo. Hunyo noon ng binubunot sa tambiyolo na may lamag mga binulot na kapirasong papel kung saan nakasulat ang aming, Kubo leaders; mga pangalan at ibu-booking na kung kelan kami mag-talk. Sigaw kami ng sigaw nina Roy, Jeuel, Alquin (abangan sila sa Friends 4 Sale), para kaming mga timang dahil alam naman naming lahat ay magkakapribilehiyo, lahat ng nasa tambiyolo mabubunot.

                Natapos ang talk ni Roy, nakapag-share na rin si Jeuel (na balita ko’y nag-Homiletics seminar series pa), at ng iba pa. Habang papalapit ng papalapit ang takdang araw para sakin, mistulang sapin-sapin ng excitement, pressure, at takot ang cute kong puso. Sanay naman akong mag-defense sa klase, sanay mag-critic sa ibang courses, at nakapag-talk rin sa ibang college pero iba talaga ang secular sa ispiritwal. Intra-personal. Katotohanan. Malinis na pamumuhay. At siempre kailangan ng up-close and personal na relationship sa Lord, hindi pwedeng complicated.

                Siyempre dahil si Lord ang me’ pakana, siya dapat ang magbigay ng manuscript. Ilang gabi nakong puyat, wala pang sina-submit sakin. I-e-edit pa kaya yon! Hayun dumating din siya ng Miyerkules, tapos Biyernes ang talk. Friday the 13^th Yey! Hindi pako nagpapa-excuse sa masasagasaan kong laboratory hours. At hindi ko ugaling magpaalam na mawawala ako, madalas black and white lang ang nagsasalita para sa akin.

               

“Badtrip ako ngayon! Ibibigay ko yung 5 lab. Exercises nyo mamaya, for nidterms pa lang ‘yon.” Sabi ng instructor ko at wala akong exaggeration dyan. Asteeg! Bakit ngayon pa kung kelan kailangan kong magpaalam, pero hindi, napag-pray ko na, so hindi ako mag-i-isp ng nega (pero naisip ko na, winaksi ko lang agad).  “Mr. Gadingan, tsitsikahin pala kita mamaya.” Hirit pa niya. Tugs. Tugs. Tugs. Sabi ng cute kong puso.

                Sinong makapagsasabing tsitsikahin niya ako ukol sa Kubo? Alam ko na ito na yung diskarte, agad akong nag-paalam, agad din siyang pumayag. Napuri pa ako kaya sa Kanya ang balik ng papuri. Extended pa ang submission ko. Dumating ang takdang oras ng ‘propesiya ng tambiyolo’. It’s showtime.

                Nagulat ako dahil pagtayo ko sa unahan, andaming tao. Akala ko ba may seminar ang I.T.? Akala ko may klase yung mga Aggie? Ayon nga sa istatistiks ni Alquin, umabot daw kami ng 60+ that Friday Fellowship. Bakit andami-daming tao? On da bak of my mind, binatukan ko ang sarili ko. “Timang ka talaga Jordee! Di ba pinag-pray mo na sana magdala ang Lord ng mga makikinig? Anung pinag-nga-ngal-ngal mo na naman?”  Nadeliver ko naman ang package ng Lord sa kanila ng maayos-ata. Ewan ko lang kung may laman pero anlupeet brad kasi hindi ko naramdaman yung takot, pangamba, alinlangan, na naramdaman ko dati. Halos tumigil din ng 30 minuto ang buhay ko. Privilege speech nga raw kasi.

Study Questions:

1.   Nagrereklamo ba si Jord ng isulat niya ang sanysay na ito?

 Kung oo, ipaliwanag sa wikang Ruso.

2.       May laman ba ang package na dineliver nya?

Kung wala, mag-exercise ka ng pagpapatawad.

3.       May kinalaman ba ang Friday the 13^th sa buhay mo?

4.       Bad word ba ang Timang?

Kung oo, i-pm agad ako.

5.       Worth it ba ang pag-kwe-kwek-kwek party kasama ang mga bradees para sa natapos na kalbar…I mean pribilehiyo?

Ok pass your papers!