Suuuuuuper Fine!

“Ang tunay na kuripot, tunay na savings ang hanap”, sabi ng isang t.v. commercial. Mahal sa umpisa pero dahil mataas ang quality, mas tumatagal. Mas malaki ang savings! , dagdag pa ng endorser. Super tipid di ba?

Ayoko ng tig-si-singkwentang payong, yung Michikolondion, Good Century, at Diamond. Hindi dahil sosyal-sosyalan ang peg at Fibrella o Umbra ang pinaka-mahinang panaklong ko laban sa araw. Noong hayskul kaeko halos nakaka-apat akong disposable na payong, presyong premium na rin yun pag pinagsama-sama di ba? Mas mabilis pa sa pagdating ng bagong bagyo ang pagkasira ng mga mumurahing payong. Kapag pinagsama-sama yung presyo nun’ premium quality na yung makukuha mo. 

Ito rin ang parehong dahilan kung bakit hindi ako gumagamit ng HBW o Panda at iba pang mga bolpeng nasa price range ng 7-10 piso. Isang patak lang at nagkakayat  na ang tinta o kung hindi naman nagtatae, e tinitibe. Ayaw ng sumulat. At ang nkakainis sa lahat ay yung putol-putol na parang batang nag-aalburuto sa daycare dahil wala pa siyang sundo.

Kaya nga 3 buwan ko ng tangan ang aking Zebra 0.5mm na ballpen. Super fine at suave lang siya isulat. Sa presyong 28 pesos lang halos 3 ballpen na lang ang kailangan ko kumpara sa dating average ko na 20 ballpens per annum na naubos o naiwala ko.

Nadiskubre ko to nung lumaban kami ng Luzon-wide sa journalism sa Legazpi, Albay. Meron kaming konting budget allotment para sa mga kagamitan gaya ng oil pastel para sa artist at ballpen para sa writer. Mga super gamit para sa matindihang laban. Pumili ako ng ballpen na may easy-grip at winning aura sa holder sa isang imperialistang bookstore. Hindi nga ako nabigo dahil nakasungkit naman ang medalya sa tulong ng sip ang zebra 0.5. Super galing ng experience na yon.

May pagka-kuripot daw ako pero ang alam ko pagtitipid lang ang tawag ko dun. Lalo na’t super konti lang ng nagiging pera ko kaya it’s a must. At dahil may malaking bilao sa ulo ang nanay ko nang nagsabog ng ka-exxage-an e ang tawag niya sa pagtitipid ko ay pagkakaron ng bulsa sa balat. Well, ang alam ko lang ay nag-mana ako sa kanya thefore I conclude: pareho kaming marsupials.

Super makakalimutin nako, kaya sa oras na kailangan kong magsulat at naiwan ko ang zebra ko sa ibang kuwadra, ay gumagamit din ako ng ibang hayop gaya ng panda. O pag na-abutan ng ulan gumagamit din kahit ng polyethylene bag. Super fine na rin yon.