Day 01 - Travel to Camalig

Day 01 - Travel to Camalig 

Vantage Point: Camalig, Albay

Hindi ako nakapag-volunteer nitong 2017 kasi nag-secure talaga muna ako ng life insurance. Idinahilan sa'kin ni Cervin noon na wala raw akong insurance (dahil longweekend ang Super Typhoon Lawin) kaya hindi ako puwedeng mag-hike. Sa mababang area lang daw ako, mapapagalitan daw sila ni Doc. Kim.

T'saka, may mga goals akong tinakda bago mag-volunteer ulit. Mga nasa 85% sa mga sinulat ko'y napangyari naman kaya puwede na 'let. Isa pa, wala pa rin naman akong trabaho kaya sabi ko kay Fem, puwede ako ng 5 days. "Anong pinaka malapit na date?"

Hindi pa nagkakaroon ng pagputok ang bulkang Mayon nag-usap na kami ni Fem. Puwede ka just in case na mag-DR (disaster response) sa Bicol? Kasi raw, kahit maliit na nasunugan, nagpapadala ng DR team, sa bulkan pa ba? Inantabayanan ko na ang #PrayforAlbay hanggang sa nagkaron na nga ng mga pagputok. 

So ito ang cast ngayon:

Kuya Gino (coordinator) - nakasama ko na siya sa free wheelchair mission sa Masbate kung saan na-inspire ang Project Pagbasa

Kuya Edgar (driver) -never ko pang nakatrabaho

Kuya Ivan (photog) -isa sa mga beteranong photog at ngayon ko lang din makakatrabaho

Past. Dudz (pastor) -isa sa mga nakasama ko rin sa Masbate at mahilig mag-crack ng jokes (at pili nuts) at mag-magic show ng piso

Nagtanghalian kami sa Calauag, Quezon. Tinext lang ang isang beteranong volunteer dentist na kumain kami sa lugar nila,. Nagpahintay si dra at may biyabit na ice cream! Tamang-tama sa maalinsangang hangin doon. Sobrang na-busy na raw si dra kaya hindi na nakakapag-volunteer kaya nagdo-donor na lang. 

Naipit kami sa may bandang Cam.Nor. Stranded. Quarantined. Detained. Sumakit ang ulo ko dahil sa malabo nilang business process.

Governance Realization:

Dapat sa mga Animal Industry checkpoints ay naglalagay sila ng power to decide kung may naipit na itlog/agri-commodities dahil walang permit to travel. Hindi rin dapat nagbabago basta-basta ng protocols na hindi fully aware ang suppliers. 

Gets naming may proseso. Gets namin na pananagutan nila kapag may pinalampas silang mga itlog at kapag may naging kaso sa mga kumain, ay sila ang mananagot. 

Kaya lang, pano nga kung perishable yung relief goods? Hindi fully aware sa permits yung mga donors. Emergency. Disaster Response. Kung nabulok 'yun lalo? Kung may magiging kaso man ng sakit, mate-trace ba nila kung kaninong itlog yun? Di ba hindi naman. So, decide agad! 

Na-delay kami ng mahigit limang oras.Nadetina kami sa checkpoint. Wala man lang pakape. Wala ring maayos na palikuran ang checkpoint. Pinagmamasdan ko yung marami sa mga tao, nakaupo lang buong duty. Hindi ba nakakabugok ang ganung trabaho? Ang dami nila sa station para lang tumingin ng dokumento?

Sana lang hindi lang yun nakita ko nang hapon na 'yun ang scope ng trabaho nila.

Alas-dos na ng madaling araw nang makarating kami ng Sitio Tundo, Brgy. Tagaytay, Camalig, Albay. Nagkape muna kami bago matulog. 

#

Dyord

Enero 22-23, 2018

Brgy. Tagaytay, Camalig, Albay