pinanood lang namin 'yung pelikula, una, dahil mukhang maliwanag 'yung pagkakailaw. mukhang masaya at hindi namin kailangang mag-isip masyado. tinaasan namin ng kilay 'yung mga patutsada sa loob ng catholic school, na klasik namang masyadong atrasado pero napatanong din pala kami kung paaano ang lagay ng mga teen queer sa loob ng mga relihiyosong paaralan? pinag-uusapan ba o hindi na lang pinag-uusapan? kung pinag-uusapan, seksuwalidad ba kaagad o identidad? parang ang dating nito sa'kin ay kung walang nag-uusap, edi 'etong sa inyo PELIKULA! pak! kasi may teenager din sa eskuwelahan na hindi pasok sa kung ano lang ang nakalagay sa mga banyo. hindi naman tungkol sa kasari-kasarian talaga 'yung pelikula, gusto ko lang i-appreciate na "uyy 'yung kathryn bernardo moments ay walang pinipiling kasarian."
noong pinapanood ko si Dominic at si Luke parang gusto ko na umiikot 'yung camera, parang gusto ko s'yang tumingala at maghanap ng ilaw. lakas maka- teatro nung ilang eksena, masyado kong binili. kapag kinokontra nung kaibigan ko 'yung mga eksena, ako na ang nagtatanggol, "hayskul yan, hayaan mo lang ang mga batang matuto, experiential learning approach!" though kahit ako ay humahanap ng kakapitan kapag sobrang nakakakilig 'yung eksena. kasi alam mo mananakit 'yung direktor somewhere e, pero mapapabitaw ka pa rin e, kasi wala na, parang sige na go, danasin mo rin 'yung ligaya ni Dominic at hayaan mo na 'yung sakit, sa dulo pa naman 'yun.
gustong-gusto ko rin 'yung mga bata sa catholic school pero kumonsulta sa manghuhula sa may Quiapo church kahit na baduy 'yung desti-destiny "hayaan na lang, hayskul e". tsaka, hindi naman tayo na mga approaching 30s na young professionals ang target audience ng pelikula, nakikinood nga lang tayo kung tutuusin dami pa nating hinahanap. tawang-tawa ako sa pagkanta ni Dominic sa retreat na nado-double meaning na kung para kay Jesus o para kay Luke. ginulat ako, binigla, ninerbiyos, sana 'wag maubos ang mga krus. "hindi 'yan magkakatuluyan," sasabihin ng kaibigan ko dahil patapos na 'yung pelikula at ang tanga na ng mga desisyon ni Dominic pero nakakapit na ko sa Pasko o, Paskong-pasko, MMFF 'to, may pandemya, krisis, walang trabaho, bigyan nyo naman po kami ng happy ending. kahit iformula na basta happy. deep inside nanlimos talaga ako ng pag-asa (kay Direk).
No comments:
Post a Comment