Sumalangit

Nagpasimuno ako noon ng unahan 

Sa rambutanan do'n sa likod ng kantin ni Ate Gilay
Di natin alam bakit tayo nagsipag-adyo
Hindi natin alam o sigurado
At biglang nagpalit tayo ng mga pangalan
Habang nakatayo sa mga matitibay na sanga
Kung bakit mas trip ni Richie ang shorts kaysa palda
Kung bakit gusto n'yang baliktad ang shorts nya:
Nasa harapan ang nag-iisang bulsa imbes na nasa puwetan
Wala naman tayong mga pagtatanong noon masyado ng bakit
Hanggang ipinatawag tayo ng lintik na tiktik ni Mam Abaraquez
Sumalangit nawa.

Pumila tayo noon na tila tatanggap ng basbas
Mas kahoy pala kaysa sanga, ang patpat ni Mam Abaraquez
Sumalangit nawa.

Mas matibay naman ang mga mukha nating magpipigil ng luha
Habang isa-isang lumalagapak ang patpat sa mga demonyong
Nasa mga pahat pa nating mga puwet
Sumalangit nawa.

Ang mga nagbubulung-bulungang anak ni San Agustin
Na pumaligid sa ating prusisyon, marahil ito ang sinusulat na balita:
Ang honor roll kasunod ang bagong transfer kiddo, sentensyado!
Sumalangit nawa.

May mga napagdiskitahang mga batibot na nananahimik sa lungga
Nang unang hapong hindi ako tumingala sa watawat' bumigkas ng panata
Matagal nang inanay ang patpat. Inuuod na si Mam Abarquez.
Sumalangit nawa.
An'tanda