Natapos na ang gabundok na labahin,
Nakapaghugas na ng pinggan habang nag-i-in-in.
Walang itlog. Walang canton.
Mainit na kanin lang talaga ang meron.
Ilong,
Pinagpapawisa't namamasa
Sapagkat kahit tuyo ay wala.
Kapeng barako sa tanghaling tapat
Ang magpapatahimik sa
Nagwawalang sikmura.
Iadyo N'yo po kami
Sa buong maghapo't darating pang mga araw.
Nawa'y maligtas sa pangil
Ng kawalan ng baon kapag bakasyon.
No comments:
Post a Comment