Sa mga oras na akala natin
Tapos na ang mabuting hangarin
Doon unti-unting nagpapakita
Ang dilim na pilit humihila

Hanggang ang ating isip maghinuha
Saan patungo ang bawat patak ng luha
Anong kahahantungan ng butong kumukuba
Kailan matatapos at anong mapapala

Subalit doon masusubok ang utak
Ang dugong sa puso'y pumapatak
Di lamang kung sino ang ipinunta
Kundi bakit nga ba ihinakbang ang mga paa?


(c) Cervin Bariso
Balbalan, Kalinga
MSWDO
Nobyembre 02, 2016