Palengke Commodities

     Nagkukwento palagi ang nanay ko sa'kin tungkol sa mga mabili at hindi mabiling commodities sa puwesto namin sa palengke. Sabi niya, nadiskubre raw niya nito lang ang murang angkatan ng luyang dilaw. Marami nga raw kasing naghahanap nito sa palengke, lalo na ang mga thunderbolts at mga nag-aalternative medicine. Ayun, palagi raw nauubos ang tinda niyang luyang dilaw o turmeric.

     Minsan, nagtext sa'kin si Mama na may nabili raw siyang luyang dilaw by-products o mga produckto mula sa luyang dilaw gaya ng juice, coffee, at jam. Oo, pati palaman na luyang dilaw. Sa isip-isip ko, e baka pati ako'y binebentahan ni Mama nito, wala akong budget para sa health-keeping. Baka sa hospitalization pa. Hindi ko lang pinansin ang text dahil hindi naman masarap ang luya. Lalo na kung ipapalaman sa tinapay. Pinaghalo-halo raw na luyang dilaw, malunggay, at calamansi ang mga produkto.

     Pero kahit hindi masarap ay mayaman naman ito sa pangkalusugang pakinabang (health benefits). Ito ang ilan sa naidudulot ng luyang dilaw, malunggay, at calamansi sa ating kalusugan: (I-take notes mo at baka magamit mo sa hinaharap. Minsan lang magkaroon ng may saysay na content ang blog ko na ito)

Malunggay (Moringa oliefera)

Anti-cancer

Anti-bacterial

Anti-inflammatory

7x na mas maraming bitamina K (Vit. C) kaysa Kahel (oranges)

4x na mas maraming bitamina A kaysa Karot

4x na mas maraming calcium at 2x na mas maraming protina kaysa gatas

3x na mas maraming potassium kaysa saging

Kalamansi (Citrofortunella microcarpa)

Pampaputi

Panlinis ng katawan

Pantanggal amoy

Lightens freckles

Mahusay sa ubo at pantanggal plema

Iwas at gamot sa osteoathritis

Nagpapanatili ng kalusugan ng bato

Iwas diabetes

Nagpapababa ng kolesterol sa dugo

Luyang Dilaw (Curcuma xanthorrhiza Naves)

Anti-inflammatory

Antibiotic

Antiseptic

Analgesic

Mabilis magpahilom ng sugat

Maganda sa panunaw

Gamot sa ubo

Nakakatulong sa asthma

Nagtitibag ng kabag

Gamot sa Ulcer

Nag-aayos ng mga sakit s abalat (gaya ng psoriasis at Eczema)

Nagbabawas ng side effects ng chemotheraphy

Bisitahin ang iba pang pakinabang sa luyang dilaw dito: 

stuartxchange.com

  ...at malamang ay marami pang iba na hindi nabanggit at hindi pa natutuklasan.

     "I-cover mo cla," ang sundo n'yang text sa'kin. Oo nga no?I Hindi ko naisip 'yun. Naisip ko kagad na wala akong ipapambili. Isa pang dahilan ito para makauwi ulit ako. Para-paraan ulit nang makapag-field trip. Natawa naman ako dahil mas aware na sa pwedeng gawan ng istorya ang nanay ko.

    Dahil hinanapan ako ng istorya ng nanay ko, hahanapan ko siya ng market. Bili-bili na kayo ng turmeric coffee, tea, juice, at jam. Oo, jam na luya! Lasang luya talaga na palaman sa tinapay pero matamis-tamis. Ayan, may istorya na, may market pa. Oh no! Nag-uumpisa na gang ma-commercialize ang blog ko?